Honderde student-atlete kom in Bloem byeen

Saamgestel deur Nadia Pieters
1 hour ago
1 min read

Sowat 900 student-atlete, afrigters en beamptes is hierdie week in Bloemfontein vir die Universiteit Sport Suid-Afrika se netbalkampioenskap.

Volgens inligting wat deur die Sentrale Universiteit vir Tegnologie, SUT, gedeel is, neem 54 spanne van 26 Suid-Afrikaanse universiteite, drie private instellings en die Namibië Universiteit vir Wetenskap en Tegnologie aan die toernooi deel.

SUT bied die kampioenskap vanjaar vir die eerste keer as 'n universiteit vir tegnologie aan.

Die kampioenskap het Maandag amptelik afgeskop en duur tot Vrydag.

Die openingseremonie het die fokus op spanwerk, sportmangees en die ontwikkeling van universiteitsport geplaas. Verteenwoordigers van Netbal Suid-Afrika en die Mangaung Metro Netbalvereniging was ook by die opening teenwoordig.