ID-krisis van 12 jaar - Bloemfonteiner raadop

’n Bloemfonteinse man het ’n beroep op die departement van binnelandse sake gedoen om sy identiteitsdokumentkrisis op te los. Volgens SABC News sukkel die man al vir die afgelope 12 jaar, sedert hy sy kopie verloor het, om ‘n ID van die departement te ontvang, en het hy glo ook sy werk as gevolg van die ID-kwessie verloor. Intussen sê die Suider-Afrikaanse Bedrogvoorkomingsdiens dat identiteitsbedrog 'n groeiende neiging in die Vrystaat is. Die hoof van bedrywighede by die diens, Roy Retief, sê in 2023 het hulle 'n aansienlike toename gesien, en dat statistieke toon hierdie syfers het in 2024 tot 'n groot mate genormaliseer. Hy voeg by bedrieglike dokumente is een van die hooftipes bedrog en dat bedrieërs hulle as wettige verbruikers voordoen