Idac waarsku die publiek teen ‘n bedrieër wat hofinligting probeer bekom

Die Ondersoekdirektoraat teen Korrupsie (Idac) het die publiek gewaarsku teen ‘n bedrieër wat die naam en foto van die waarnemende ondersoekdirekteur, Ntuthuzelo Vanara, gebruik om kritieke inligting oor ‘n saak wat voor die hof dien, te probeer bekom.

Idac sê die telefoonnommer wat gebruik word, behoort nie aan Vanara nie. Die saak is deur wetstoepassingsbeamptes onder sy aandag gebring en sal vir ondersoek na die polisie verwys word.

Idac het ‘n beroep op die publiek gedoen om waaksaam te bly en te verhoed dat hulle slagoffers van die bedrieër se optrede word.

Ter illustrasie. FOTO: Freight News