Geen wateronderbrekings word verwag tydens die Roderick-reservoir se skoonmaak nie

Mangaung-inwoners in Estoire, Tienie Visser en omliggende gebiede word gevra om Dinsdag water spaarsamig te gebruik terwyl die Roderick-reservoir skoongemaak word.

Die Mangaung-metro sê die reservoir sal op 22 September ’n 24-uur-skoonmaakproses ondergaan.

Volgens die metro word geen wateronderbrekings tydens die proses verwag nie. Inwoners word egter aangemoedig om hul waterverbruik sover moontlik te beperk terwyl die werk voortduur.

Die munisipaliteit het inwoners om verskoning gevra vir enige ongerief wat die skoonmaakwerk kan veroorsaak en het hulle bedank vir hul geduld en samewerking.

Ter Illustrasie. Foto: Pexels