Ingryping word gevra in langdurige kragonderbrekings

Saamgestel deur Nadia Pieters
May 13
1 min read

Ingryping word gevra nadat verskeie inwoners in die Mangaung-metro die afgelope naweek lank sonder krag was.

Die Demokratiese Alliansie sê sommige inwoners moes tot vyf dae wag vir krag om herstel te word, en het ’n dringende vergadering met Centlec se waarnemende uitvoerende hoof versoek.

Die party se burgemeesterskandidaat in Mangaung, Werner Pretorius, sê die situasie dui op swak beplanning, onvoldoende instandhouding en gebrekkige reaksie tydens onlangse slegte weerstoestande.

Hy beweer ook dat die oproepsentrum nie behoorlik gefunksioneer het nie, wat dit vir inwoners moeilik gemaak het om hulp te kry.

Volgens die party is gereelde instandhouding noodsaaklik om die netwerk teen weerstoestande te beskerm, en waarsku dat kragonderbrekings ’n negatiewe impak op inwoners en plaaslike besighede het.