Internasionale toerisme na SA neem toe

Saamgestel deur Nadia Pieters
Jul 3
1 min read

Internasionale toeriste-aankomste na Suid-Afrika het gedurende die eerste vyf maande van vanjaar met 12,8% toegeneem vergeleke met dieselfde tydperk verlede jaar.

Die Departement van Toerisme sê meer as 4,2 miljoen internasionale besoekers het tussen Januarie en Mei in die land aangekom.

Aankomste uit Afrika het met 14,7% gestyg, terwyl besoekers uit Europa met 11,1% toegeneem het.

Die minister van toerisme, Patricia de Lille, sê die syfers weerspieël groeiende vertroue in Suid-Afrika as 'n reisbestemming.

Volgens die departement is daar ook sterk groei in besoekers uit Brasilië aangeteken, net voor die bekendstelling van nuwe direkte vlugte tussen Kaapstad en São Paulo.