Iran dreig weer om die Straat van Hormuz te blokkeer

Saamgestel deur Jana Roos
Apr 18
1 min read

Iran het opnuut gedreig om die Straat van Hormuz in die Persiese Golf te sluit indien Amerika voortgaan met sy blokkering van Iranse hawens.

SABC-nuus berig dit volg op Iran se aankondiging Vrydag dat die seestraat vir die duur van die skietstaking in Libanon vir alle handelskepe heropen sal word. Amerika het onderneem om met sy blokkering van Iranse hawens vol te hou terwyl vredesamesprekings voortduur.

Iran bestempel Amerika se optrede as 'n skending van die skietstaking. Kommer bestaan dat Amerika se volgehoue blokkering moontlik kan veroorsaak dat Iran Amerika se skepe aanval wat die hawens blokkeer.