Italiaanse kook-olie word nou ingespan vir Britse vullisverwydering

‘n Distrik in Engeland het besluit om sy vullisverwyderingsvoertuie deur middel van Italiaanse kook-olie aan te dryf.

Die Cherwell District Council het besluit om sy vloot na bio-brandstof oor te skakel om koolstofdioksied-uitlatings met tussen 600 en 700 ton te verminder.

Die BBC berig die raad sê hy sal onderhoubare brandstofbronne gebruik, met die oorgrote meerderheid wat van gebruikte kook-olie van Italië af sal kom.

Dit is ongeveer 10% duurder as diesel, maar meer omgewingsvriendelik.