Jong wetenskaplikes blink uit by die Eskom-ekspo in Bloemfontein

Saamgestel deur Nadia Pieters
Aug 4
1 min read

Altesaam 98 leerders het hul navorsings- en probleemoplossingsvaardighede by vanjaar se Eskom-ekspo vir die Bloemfontein-streek ten toon gestel.

Volgens Bloemnuus Express is die streekswetenskapskou die naweek by die Sentrale Universiteit vir Tegnologie aangebied.

Altesaam 15 goue, 25 silwer- en 14 bronsmedaljes is toegeken.

Van die leerders wat spesiale toekennings ontvang het, is Rebecca Anne Botha, wat tuisonderrig ontvang en as beste vroulike deelnemer aangewys is, Jemma Myburgh van die Hoër Meisieskool Eunice vir die beste energieprojek, Luhandré Opperman van Martie du Plessis Skool vir die beste innovasie, en Rorisang Mohlobuli van Hoërskool Bloemfontein vir die beste ontwikkelingsprojek.

Rorisang het onlangs ook 'n tweede plek by die Internasionale Wiskunde-, Wetenskap- en Ingenieurswese-ekspo in Turkye behaal.

Ingenieurswese was die gewildste van vanjaar se 13 kategorieë.