Jongmense word aangespoor om te registreer en te stem
- Saamgestel deur Ilde Roos
- 3 hours ago
- 1 min read
Die leier van die DA, Geordin Hill-Lewis, het ’n beroep op jongmense gedoen om te registreer om te stem in vanjaar se plaaslike regeringsverkiesing.
Hill-Lewis het vandag se jeugdiges uitgedaag om die voorbeeld van die jeug van 1976 te volg. Hy sê jong mense van 50 jaar gelede het geweier om te aanvaar dat hul toekoms reeds vir hulle besluit is.
Hill-Lewis het bygevoeg jongmense het die mag om dinge ten goede te verander.
LUISTER HIER:
Intussen sê Rise Mzansi jongmense moet die leierskap bied wat nodig is om ’n veilige, voorspoedige, gelyke en verenigde Suid-Afrika te bou. Die party sê hoewel sommige vryhede gewen is, die stryd om gelykheid, eenheid, voorspoed en gehalte-onderwys steeds bedreig word.
Rise Mzansi waarsku ook dat jongmense ander uitdagings in die gesig staar, insluitend verslawing, hongersnood, klimaatsverandering en ’n gebrek aan leierskap.
Die party sê die jeug moet nie wag vir toestemming om te lei nie, en voeg by dat hul tyd om verandering te dryf nou begin.
Comments