Justin Timberlake onthul hy het Lyme-siekte

Die pop-ster Justin Timberlake het bekend gemaak hy het Lyme-siekte – 'n toestand wat hy as "meedoënloos aftakelend" beskryf.

Eyewitness News berig Timberlake se wêreldtoer is pas verby, en hy het sy siekte toe bekend gemaak sodat aanhangers kon weet wat agter die skerms aangaan nadat sommiges die toer as lusteloos beskryf het.

Lyme-siekte word deur 'n bakterie veroorsaak en is oordraagbaar deur bosluise in Noord-Amerika en Europa. Simptome sluit in wydverspreide pyn, uitermatige moegheid en spierswakheid, en dit kan lei tot skade aan weefsel, gewrigte en die immuunstelsel.