Kameras moet op sport fokus, nie op lywe nie

Nuwe riglyne is bekend gestel om te verseker dat sportuitsendings op atlete se prestasies eerder as hul liggame fokus.

Eyewitness News berig die Europese Uitsaai-unie en Europese Atletiek het die riglyne ontwikkel ná gesprekke met vroue-atlete oor onnodige kamerahoeke tydens byeenkomste.

Die riglyne vra dat uitsaaiers kamerahoeke vermy wat atlete onnodig blootstel, veral tydens items soos hoogspring en paalspring.

Daar word eerder aanbeveel dat wyer kameraskote gebruik word sodat kykers die atlete se spoed, tegniek en prestasie beter kan volg.

Volgens die organisasies is die doel om die fokus op sport en prestasie te hou, eerder as op atlete se voorkoms.

Ter illustrasie. FOTO: Unsplash