Kapingssindikate teiken bestuurders van kos en kruideniersware aflewerings

Misdadigers benut die oplewing in aanlyn kos en kruideniersware aflewerings in Suid-Afrika. BusinessTech berig dat ‘n voertuigherwinningsdiens, Cartrack, ‘n skerp toename aangeteken het in kapingssindikate wat afleweringsbestuurders teiken. Hierdie sindikate plaas vals bestellings en lok bestuurders na onveilige gebiede om hulle te beroof. Diegene wat Checkers Sixty60- en Mr Delivery-motorfietse bestuur is as gereelde teikens geïdentifiseer. Cartrack sê dit lei tot logistieke uitdagings en dat bestuurders hul werk verloor.