Kernkrag bly vir Suid-Afrika belangrik

Kernkrag sal deel van die verskillende samestellings bly om krag in Suid-Afrika op te wek. So sê die minister van Elektrisiteit, Kgosientsho Ramokgopa. Dit volg nadat Eenheid 2 by die Koeberg-kragstasie verlede naweek uitgeskop het terwyl dit in volle bedryf was. Volgens Eskom duur die ondersoek na dié voorval voort. Die minister het by die Afrika Energie Indaba ook herhaal dat betroubare en volhoubare kragtoevoer belangrik vir ekonomiese groei in die land is, en dat dit in ag geneem sal word as deel van die billike energie oorgang.