Kiesers sal twee of drie stembriewe in die plaaslike verkiesing ontvang

Suid-Afrikaanse kiesers sal in volgende week se plaaslike regeringsverkiesing twee of drie stembriewe ontvang, afhangend van waar hulle geregistreer is.

Kiesers in metropolitaanse munisipaliteite sal twee stembriewe by die stembus ontvang.

Met die eerste stembrief kies hulle ’n wyksraadslid, terwyl die tweede hulle die geleentheid bied om ’n politieke party te kies om hulle op die metroraad te verteenwoordig.

Kiesers in plaaslike munisipaliteite sal ook dié twee stembriewe ontvang, asook ’n derde een.

Met die derde stembrief kies hulle ’n politieke party om hulle op die distriksmunisipale raad te verteenwoordig.

Ter illustrasie. FOTO: Facebook