Klagtes oor beweerde korrupsie by rybewysafsprake neem toe
- Saamgestel deur Nadia Pieters
- May 18
- 1 min read
Klagtes stroom in van mense wat sukkel om afsprake op die Padverkeerbestuurskorporasie se aanlyn stelsel te kry vir leerling- en rybewystoetse.
Volgens Maroela Media bied sommige bestuurskole glo aan om teen ekstra betaling afsprake te reël of selfs uitslae te beïnvloed.
Een ouer beweer sy is gevra om meer as R1 000 ekstra te betaal sodat haar kind by ’n Gautengse lisensiekantoor kon slaag.
Die Padverkeerbestuurskorporasie het onlangs ’n nuwe aanlyn stelsel ingestel wat toetsvrae intyds genereer om bedrog te bekamp.
Die korporasie sê die slaagsyfer vir leerlinglisensies het sedertdien van 68% tot 40% gedaal, omdat amptenare nie meer vooraf toegang tot vraestelle het nie.
Daar word egter nou beweer dat sommige amptenare steeds uitslae op die stelsel kan manipuleer.
Comments