Koeberg Eenheid 1 is suksesvol by die nasionale kragnetwerk herkoppel
- Saamgestel deur Nadia Pieters
- Oct 30
- 1 min read
Eskom se Eenheid 1 by die Koeberg-kernkragsentrale is weer aan die nasionale netwerk gekoppel.
Die kragverskaffer sê dit is ‘n belangrike mylpaal in die verdere verbetering van die sekuriteit van Suid-Afrika se elektrisiteitsvoorsiening en die terugbesorging van 930 megawatt.
Beide Koeberg-eenheid 1 en Eenheid 2 is tans aanlyn, met Eenheid 1 wat besig is om voorsiening op te bou.
Sodra die eenheid volle uitset bereik sal die twee eenhede gesamentlik meer as 1 860 megawatt kapasiteit aan die nasionale netwerk verskaf.
Dit is ongeveer 5% van Eskom se totale elektrisiteitsuitset.
Comments