Reddy is ongedeerd en op pad terug na SA

Die Suid-Afrikaanse ondersoekende joernalis, Micah Reddy, is vrygelaat nadat hy na bewering vir verskeie dae in Djiboeti aangehou is.

Sy familie sê Reddy is ongedeerd en op pad terug na Suid-Afrika, terwyl sy plaaslike kontakpersoon, Kooki Mahmoud, ook sonder aanklag vrygelaat is.

Die familie het aan SABC News gesê dat Reddy Saterdag deur die owerhede in Djiboeti aangehou is, sonder dat daar amptelike inligting oor sy verblyfplek was.

Hulle het die regerings van Suid-Afrika en die Verenigde Koninkryk, sowel as ander, bedank vir hul hulp om sy terugkeer te bewerkstellig.

Micah Reddy. FOTO: GroundUp