Koffieliefhebbers trek aan kortste end

Die prys van Arabica-koffie het die hoogste vlak sedert 1977 bereik en het ook 'n byna dertigjaar-hoogtepunt oorskry. Brasilië, die wêreld se grootste koffievervaardiger, het vanjaar 'n rekorddroogte ervaar. MSN berig koffieboere is bekommerd oor die produksiepotensiaal van hul oes, ten spyte van die goeie reënval in Oktober. Boere verkoop glo net wat nodig is, wat die plaaslike aanbod verder beperk. Intussen het Viëtnam se Robusta-boon, wat vir kitskoffie gebruik word, ook 'n aanbodtekort weens droogte ervaar.