Kommer is geopper oor ‘n beweerde korrupte Valke-hoof se bevordering

Saamgestel deur Nadia Pieters
1 day ago
1 min read

Vrae word gevra nadat die hoof van taktiese operasies van die Valke, brigadier Lesiba Mokoena, bevorder is terwyl 'n strafregtelike ondersoek na bewerings teen hom steeds hangende is.

Mokoena het voorheen voor die Madlanga-kommissie van ondersoek getuig en word ook ondersoek oor bewerings van bedrieglike oortyd.

Die saak is reeds in 2024 intern aangemeld, maar is nog nie afgehandel nie.

Barry Bateman van AfriForum se privaatvervolgingseenheid sê die vertraging en Mokoena se bevordering wek kommer oor aanspreeklikheid en konsekwente dissiplinêre optrede binne die Suid-Afrikaanse Polisiediens.