Koning Charles besoek eersdaags Amerika

Saamgestel deur Ilde Roos
Apr 25
1 min read

Amerikaanse president Donald Trump het planne aangekondig om onder meer die oorlog in Iran met koning Charles te bespreek tydens die koning se komende vierdaagse staatsbesoek aan Washington ter viering van die 250ste herdenking van Amerikaanse onafhanklikheid.

Die BBC berig die besoek vind plaas teen die wisselvallige agtergrond van konflik in Iran en die breër Midde-Ooste, met ’n brose skietstilstand wat tans hou.

Hoewel Trump ’n selfverklaarde aanhanger van die koninklikes is, kritiseer hy gereeld die Britse eerste minister, Keir Starmer.

’n Voormalige senior adviseur van die Amerikaanse departement van buitelandse sake, Max Bergmann, sê hy weet nie hoe gedissiplineerd Trump sal wees nie, en sê die Trump-vertoning word nie afgeskakel net omdat die koning in die dorp is nie.

Die BBC berig verder Trump het koning Charles as ’n vriend beskryf, en voornemens uitgespreek om verskeie onderwerpe tydens hul ontmoeting te bespreek.