Korrektiewe Dienste is in die sop oor verkrygingskontrakte

Saamgestel deur Ilde Roos
May 15
1 min read

Die Departement van Korrektiewe Dienste staar toenemende ondersoek in die gesig oor verkrygingskontrakte nadat hulle erken het dat hulle oordrewe pryse vir voedselprodukte betaal het.

Die items het meer as R700 vir ‘n liter kookolie en meer as R3 700 vir souspoeier ingesluit.

Die departement sê pryse is sedertdien aansienlik laer heronderhandel.

Kommer is uitgespreek tydens ‘n vergadering van die parlement se Portefeuljekomitee oor Korrektiewe Dienste, waar amptenare erken het dat sommige kontrakte pryse ver bo markwaarde bevat het.