Korrektiewe Dienste neem beheer van die Mangaung Korrektiewe Sentrum oor

Saamgestel deur Jana Roos
1 day ago
1 min read

Die Departement van Korrektiewe Dienste neem op 1 Julie die bestuur van die Mangaung Korrektiewe Sentrum oor, ná 25 jaar van private beheer. Die konsessieooreenkoms met Bloemfontein Correctional Contracts, wat deur G4S Security gesteun word, verstryk op 30 Junie.

Parlement se Portefeuljekomitee oor Korrektiewe Dienste is egter nie oortuig dat die departement gereed is vir die oorname nie. Die komitee sal nog voor die oorname ingelig word en ’n maand later weer ’n vorderingsverslag ontvang.