Kragonderbrekings word vir dele van Bloemfontein beplan

Saamgestel deur Nadia Pieters

Oct 1

1 min read

Beplande kragonderbrekings raak volgende week verskeie dele van Bloemfontein.

Volgens Centlec sal die kragtoevoer op Donderdag 8 Oktober van agtuur soggens tot vyfuur die middag onderbreek word.

Gebiede wat geraak word, sluit Pellissier, dele van Fichardtpark, Langenhovenpark, Universitas, Spitskop, Groenvallei, Bainsvlei, Mooirivier, Arcadia, Waterbron, Oranje, Sophieshoogte, Kenilworth en Tempe in.

Indien die werk nie op 8 Oktober plaasvind nie, sal die onderbreking op Donderdag 15 Oktober van agtuur soggens tot vieruur die middag plaasvind.

Centlec waarsku dat die krag tydens die onderbreking sonder waarskuwing herstel kan word en dat alle elektriese installasies daarom as lewendig en gevaarlik beskou moet word.