KRIEKET: Punjab Kings VS. RCB in IPL eindstryd

Die Punjab Kings het hul plek in vanjaar se IPL eindstryd bespreek nadat hulle met die Mumbai Indians in Sondag se tweede Kwalifiseerder afgereken het. Mumbai het eerste gekolf en ’n goeie telling van 203 / 6 bymekaar gemaak met Namboori Varma en Suryakumar Yadav wat die oog gevang het met hul onderskeie beurte van 44 lopies en is ook goed ondersteun deur Johnny Bairstow met sy bydrae van 38. Die Kings se kolfaanslag het versigtig begin maar dit was hul kaptein Shreyas Iyer wat ’n briljante beurt van 87 nie uit nie gespeel het om sy span deur te neem na vanjaar se eindstryd. *Diè tweestryd word Dinsdag in Ahmedabad beslis waar RCB en die Kings gaan poog om hul eerste titel in hierdiè kompetisie te wen.