KRIEKET: Voormalige Aussie krieketster ontwaak uit 'n koma

Saamgestel deur Armando Pieters
Jan 5
1 min read

Voormalige Australiese krieketlegende Damien Martyn, het ontwaak uit 'n geïnduseerde koma na 'n ernstige aanval van meningitis, in wat vriende, familie en voormalige spanmaats 'n "wonderwerk" noem.

Volgens berigte het die 54-jarige Martyn op die 26ste Desember, by sy huis aan die Goudkus, siek geword en na 'n hospitaal in Brisbane gehaas, waar dokters hom in 'n koma geplaas het om die potensieel lewensgevaarlike infeksie te behandel.

ABC berig day hy in die afgelope dae sy bewussyn herwin het, praat en reageer op behandeling, en kan binnekort uit intensiewe sorg verwyder word.