KRIEKET: Wêreldbeker-wolk hang oor Bangladesj ná IKR-weiering

Saamgestel deur Armando Pieters
Jan 22
1 min read

Krieket se wêreldbeheerliggaam het Bangladesj se versoek om hul T20 Wêreldbeker-wedstryde uit Indië te skuif, verwerp, wat ernstige twyfel laat ontstaan oor hul deelname aan volgende maand se toernooi.

Die Bangladesj Krieketraad en die Dhaka-regering hou vol dat hulle nie gedwing sal word om in Indië te speel nie, ten spyte daarvan dat die IKR gesê het dat geen geloofwaardige veiligheidsbedreiging geïdentifiseer is nie.

Bangladesj se kaptein, Litton Das, het onsekerheid erken oor deelname, terwyl berigte daarop dui dat Skotland hulle kan vervang as hulle onttrek.