Kriminele aanklagte beteken nie munisipale bestuurders moet padgee nie
Munisipale bestuurders wat van misdade aangekla word, hoef nie outomaties uit hul poste te tree terwyl hul strafsake hangende is nie.
IOL berig die Coöperatiewe Regering en Tradisionele Sake-minister Velenkosini Hlabisa sê in ’n parlementêre antwoord ’n strafregtelike aanklag beteken nie op sigself dat ’n bestuurder onbevoeg is om in sy of haar pos aan te bly nie.
Volgens Hlabisa moet die beginsel dat ’n beskuldigde onskuldig is totdat ’n hof hom of haar skuldig bevind, gerespekteer word.
Munisipale rade kan egter steeds optree indien ernstige bewerings dit regverdig. Hulle kan onder meer ’n dissiplinêre proses begin of voorsorgmaatreëls instel.
Die aard en erns van die aanklagte, asook die moontlike impak daarvan op dienslewering en openbare vertroue, moet in ag geneem word.
Comments