Kuberkrakers teiken Suid-Afrikaanse staatsinstellings

Die Sentrum vir Risiko-analise, of CRA, het kommer uitgespreek nadat twee kuberaanvalveldtogte Suid-Afrika se digitale infrastruktuur binne dieselfde week getref het.

Volgens die CRA beweer Nigeriese hacktivist-groepe dat hulle verskeie regeringsinstellings, insluitend die Suid-Afrikaanse Maatskaplike Sekerheidsagentskap, geteiken het.

Die groepe beweer glo dat die aanvalle verband hou met vergelding vir xenofobiese geweld vroeër vanjaar.

Daar word ook beweer dat identiteitsrekords, finansiële inligting en interne werknemerslêers gesteel is.

Die CRA sê die voorvalle wys weer hoe kwesbaar Suid-Afrika se kritieke digitale infrastruktuur vir kuberaanvalle is.

Ter illustrsie. FOTO: Unpslash