Lang wagtye by die Lebombo-grenspos is dalk iets van die verlede

Saamgestel deur Nadia Pieters
Apr 21
1 min read

’n Nuwe plan is aangekondig om lang wagtye en verkeersopeenhopings by die Lebombo-grenspos in Mpumalanga te verlig.

Volgens die minister van vervoer, Barbara Creecy, behels die oplossing ’n gesamentlike verwerkingstelsel met Mosambiek, sowat sewe kilometer van die grens af.

Die stelsel sal immigrasie-, doeane- en vragkontroles saam hanteer om prosesse te bespoedig.

Dit sal teen volgende jaar volledig gedigitaliseer wees, wat vragmotors toelaat om deur skandeerders te beweeg sonder dat bestuurders hul voertuie hoef te verlaat.

Creecy sê die plan moet wagtye verkort, doeltreffendheid verbeter en handel tussen Suid-Afrika en Mosambiek bevorder.

LUISTER HIER:

Barbara Creecy (2)

0:35