Liggaam van ongeïdentifiseerde man deur skaapwagter gevind

'n Skaapwagter het die liggaam van 'n ongeïdentifiseerde man in die bosse naby Dewetsdorpweg in die Mangaung Metro Munisipaliteit, Fase 6, gevind . Die slagoffer, wat ongeveer 35-jaar-oud is, het glo blou jeans en swart tekkies aangehad, maar geen identifikasie is op die toneel gevind nie. Die motief vir die moord en die omstandighede rondom die voorval word tans ondersoek en die polisie doen 'n beroep op die publiek vir hulp om die oorledene te identifiseer. Enigiemand wat dalk inligting het wat kan help om die slagoffer te identifiseer, of wat enige kennis oor hierdie voorval het, word versoek om die Bloemspruit-polisiestasie te kontak. Wenke kan ook anoniem via die MySAPS-toep gestuur word.