‘Lourencia Lombaard moet van vervolging in die Joshlin Smith-verhoor vrygespreek word’

Volgens die Nasionale Vervolgingsgesag (NVG) moet die voormalige beskuldigde wat staatsgetuie geword het in die Joshlin Smith-verhoor, Lourencia Lombaard, van vervolging vrygespreek word. Eyewitness News berig Lombaard sal in Augustus hoor of sy tronkstraf in die gesig staar vir haar rol in Joshlin se verdwynings. Haar getuienis was deurslaggewend vir die skuldigbevinding en vonnisoplegging van Joshlin se ma, Kelly Smith, Jacquen Appollis en Steveno van Rhyn. Volgens Lombaard het sy gesien hoe Kelly Joshlin vir R20 000 aan ‘n songoma verkoop het. Lombaard het erken dat sy ingestem het om geld van Smith te aanvaar om stil te bly oor die verkoop van die kind. Sy het later staatsgetuie geword en teen Smith, Appollis en Van Rhyn getuig.