Maatskaplike Ontwikkeling verwerp Lumka Oliphant se openbare bewerings

Die departement van maatskaplike ontwikkeling het die openbare bewerings van die geskorste hoofdirekteur van kommunikasie, Lumka Oliphant, rakende haar skorsing verwerp.

Oliphant het in die media beweer dat die departement haar geskors het weens haar beweerde betrokkenheid by die uitlek van inligting aan die Sunday Times.

Die departement het verduidelik dat dit Oliphant geskors het om ernstige bewerings van wanbestuur rakende die Geïntegreerde Regstelsel-program en die Nasionale Geïntegreerde Maatskaplike Beskerming-inligtingstelselfondse te ondersoek.

Die onreëlmatighede het plaasgevind tydens haar ampstermyn as die waarnemende adjunkdirekteur-generaal van Korporatiewe Ondersteuningsdienste.