Macpherson duld nie onwettige grondbesettings nie
- Saamgestel deur Nadia Pieters
- 4 hours ago
- 1 min read
Die minister van Openbare Werke en Infrastruktuur, Dean Macpherson, sê onwettige grondbesettings sal nie onder sy toesig geduld word nie.
Volgens eNCA het hy ’n bywerking gegee oor die situasie in Grabouw, waar duisende mense hulle onwettig op staatsgrond gevestig het.
Die besetting het glo in 2020 tydens die Covid-19-pandemie begin en het sedertdien aansienlik uitgebrei.
Na raming woon tussen 15 000 en 20 000 mense tans op die terrein, wat sowat 1 800 hektaar beslaan.
Macpherson sê die situasie is kommerwekkend, met sekere dele van die gebied wat nie eens vir departementele amptenare toeganklik is nie.
Hy waarsku dat die gebrek aan wetstoepassing beteken dat die oppergesag van die reg in dele van die nedersetting feitlik nie bestaan nie.
Comments