Mafube munisipaliteit moet waterbesoedeling dadelik stop

Die volle bank van regters van die Bloemfonteinse Hooggeregshof het beveel dat Mafube Munisipaliteit onmiddellik moet ophou om die Vaal- en Wilgeriviere te besoedel en sy rioolsuiweringswerke moet herstel. Volgens News24 het die Mafube Sakeforum, AfriForum en ’n inwoner die hofsaak gebring nadat die munisipaliteit versuim het om vroeëre hofbevele uit te voer. Die hof het bepaal dat ’n toesigverslag oor die implementering van herstelmaatreëls binne 60 dae ingedien moet word. Mafube Munisipaliteit, wat Frankfort insluit, het die afgelope vyf jaar nie ’n skoon oudit ontvang nie en skuld miljoene rande aan Eskom en sy werknemers se pensioenfonds.