Malema kla 'n advokaat aan vir beweerde wangedrag
- Saamgestel deur Ilde Roos
- Apr 23
- 1 min read
Die EFF en sy leier, Julius Malema, het ’n formele klag teen staatsaanklaer, advokaat Joel Cesar, oor beweerde wangedrag ingedien.
Dit kom nadat Malema onlangs tot vyf jaar tronkstraf gevonnis is vir die afvuur van ’n vuurwapen tydens ’n partyviering in Mdantsane in die Oos-Kaap in 2018.
Die party voer aan dat Cesar die hof mislei het oor die vuurwapen wat Malema in die openbaar afgevuur het. Hy beweer ook dat Cesar onwettig opgetree het toe hy die terugbesorging van ’n vuurwapen sonder ’n hofbevel gemagtig het.
Die EFF se regspan sê die Nasionale Vervolgingsgesag moet die saak ondersoek en gepaste dissiplinêre stappe teen Cesar neem.
Comments