Malema mag appelleer teen sy skuldigbevinding in die vuurwapensaak

Saamgestel deur Ilde Roos

45 minutes ago

1 min read

Die EFF-leier, Julius Malema, is verlof toegestaan om te appelleer teen sy skuldigbevinding en vonnis van vyf jaar in sy vuurwapensaak.

Dit volg nadat hy by die Oos-Kaap-hooggeregshof in Makhanda aansoek gedoen het om te appelleer teen die bevinding wat die KuGompo-streekhof in April gelewer het.

Sy saak spruit voort uit ‘n video wat vinnig versprei het en geneem is tydens die EFF se vieringe vir sy vyfde bestaansjaar by die Sisa Dukashe-stadion in Mdantsane in Julie 2018 wat wys hoe hy skote in die lug afvuur.