Malema word by beweerde sameswering geïmpliseer

Saamgestel deur Nadia Pieters
Jul 7
1 min read

Die leier van die EFF, Julius Malema, word geïmpliseer in getuienis wat verband hou met die misdaadintelligensie-offisier, generaal-majoor Feroz Khan.

Die hoofbewysleier van die Madlanga-kommissie van ondersoek, Matthew Chaskalson, sê Malema is in kennis gestel van die bewerings.

Volgens Chaskalson hou die bewerings verband met WhatsApp-boodskappe wat tussen 2020 en 2023 van Khan se selfoon onttrek is.

Daar word onder meer beweer dat Malema, Khan en sakeman Mo Sayed saamgesweer het om die voormalige inspekteur-generaal van Intelligensie, Isaac Dintwe, uit sy pos te verwyder.

Nog 'n bewering hou verband met inligting oor 'n polisievlootbestuurstender wat na bewering aan Khan gestuur is.