Manamela wens die matriekklas sterkte toe voor die eindeksamen

Die minister van Hoër Onderwys en Opleiding, Buti Manamela, het die matriekklas van 2026 sterkte toegewens met hul eindeksamen.

Hy het leerders aangemoedig om hard te werk en vir hul toekoms te beplan. Hy het leerders ook aangemoedig om aansoek te doen by universiteite en kolleges vir Tegniese en Beroepsgerigte Onderwys en Opleiding vir 2027, terwyl aansoeke nog oop is.

Manamela het ook diegene wat finansiële hulp benodig, daaraan herinner om teen 31 Oktober by die Nasionale Studente- finansiëlehulpskema (Nsfas) aansoek te doen. Hy het ouers en onderwysers aangemoedig om leerders te ondersteun sonder om oormatige druk op hulle te plaas.

Ter illustrasie. FOTO: Elroi Academy