Mangaung-kinders vier vroeg Kersfees

Mangaung se uitvoerende Burgemeester, Gregory Nthatisi, het in vennootskap met Motsepe-stigting vanjaar saam met kinders in Mangaung ‘n vroeë Kersfees gevier. Van die kersgeskenke wat uitgedeel is, het kospakkies en kinderspeelgoed ingesluit. Volgens die LUR van Finansies, Logan Kruger, is dit belangrik om die teenwoordigheid van kindertjies in ons gemeenskappe as toekomstige leiers te erken. Hy voeg by dat dit 'n dorp verg om 'n kind groot te maak en het die Motsepe-stigting vir die vennootskap bedank. Die gebeure het onderskeidelik in Bloemfontein, Thaba 'Nchu, Botshabelo, Soutpan, Wepener, Dewetsdorp en Vanstadensrus plaasgevind. Motsepe is daartoe verbind om liefde die feesseisoen oor die hele land te versprei, deur die stigting se samewerking met verskillende munisipaliteite.