Mathabatha sê plaasbewoners kan nie sonder hofbevele uitgesit word nie

Die adjunkminister van grondhervorming en landelike ontwikkeling, Stanley Mathabatha, waarsku teen onwettige uitsettings van plaasbewoners.

Dit volg na 'n samespreking met inwoners in Franschhoek in die Wes-Kaap.

Hy sê niemand mag uit hul woning gesit word sonder 'n hofbevel nie, en dat die beëindiging van diens nie outomaties 'n uitsetting regverdig nie.

Mathabatha voeg by die departement erken grondeienaars se regte, maar beklemtoon dat alle uitsettings volgens wettige en billike prosesse moet geskied, waar die regte van alle partye gerespekteer word.

Ter illustrasie. FOTO: Unsplash