Mbalula stort ineen

Saamgestel deur Nadia Pieters

Oct 15

1 min read

Die ANC se sekretaris-generaal, Fikile Mbalula, het Donderdag kort nadat hy die media by die Konstitusionele Hof in Johannesburg toegespreek het, ineengestort.

Hy het emosioneel geraak nadat die hof in die ANC se guns beslis het in sy geskil met die Onafhanklike Verkiesingskommissie (OVK) oor 181 kandidate wat uitgesluit is om aan verkiesings in ses munisipaliteite deel te neem.

Mbalula het beklemtoon dat die moontlikheid dat gemeenskappe wat deur die ANC regeer word, sou moes stem sonder ANC-kandidate, hom snags wakker gehou het.

Hy het verligting oor die uitspraak uitgespreek en sê die vooruitsig dat kiesers nie vir die party sou kon stem nie, het swaar op hom gedruk.