Mbalula vra publiek om Gordhan nie sleg te praat nie

Die sekretaris-generaal van die ANC, Fikile Mbalula, sê diegene wat by korrupsie baat gevind het, was gereed om Pravin Gordhan te beledig en sy reputasie te skend. Mbalula het by die voormalige minister van Openbare Ondernemings se gedenkdiens Sondag gepraat. Gordhan is vroeër vandeesmaand weens kanker in die hospitaal oorlede. Mbalula sê mense het valse inligting oor hom versprei om hul doel te bereik, wat nie net ‘n verleentheid en moreel afstootlik was nie, maar ook boos. Hy sê die ANC sal Gordhan egter aanhou eer deur van korrupsie in die regering ontslae te raak.