Meer leefstyloudits gaan gedoen word
- Saamgestel deur Nadia Pieters
- 2 days ago
- 1 min read
Die Suid-Afrikaanse Inkomstediens wil nuwe wette instel wat verreikende leefstyloudits moontlik sal maak.
Die voorstelle is daarop gemik om die Finansiële Intelligensiesentrum statutêre mag te gee om leefstyloudits uit te voer op belastingbetalers wie se lewenstyle nie by hul inkomste pas nie.
Die sentrum sal bepaal of ‘n persoon se lewenstandaard ooreenstem met die inkomste uit wettige bronne wat aan hulle toegeskryf kan word.
Sodra onverklaarbare welvaart geïdentifiseer en aan die Suid-Afrikaanse Inkomstediens gerapporteer is, sal die belastinggaarder daardie individue agtervolg, wat ook onder die Nasionale Vervolgingsgesag se oog kan val.
Die wetsontwerp is op 14 Januarie vir openbare kommentaar gepubliseer.
Comments