Melania se fliek mag nie in SA draai nie

Saamgestel deur Ilde Roos
6 days ago
1 min read

"Die huidige politieke klimaat in Suid-Afrika" word aangevoer as die rede vir die skielike onttrekking van 'n dokumentêre fliek oor die Amerikaanse presidentsvrou, Melania Trump.

Die fliek, eenvoudig getiteld Melania, handel oor die 20 dae voor die inhuldiging van president Donald Trump se tweede termyn as president in 2025, alles vanuit Melania se perspektief. Dit sou more in fliekteaters begin draai.

Die New York Times berig die hoof- uitvoerende beampte van Ster-Kinekor, Mark Sardi, sê die fliek het voldoen aan al die plaaslike regulasies om vrygestel te word, en hy is nie seker hoekom dit onttrek is nie.