Menslike oorskot is op ‘n konstruksieterrein in die Vrystaat gevind

Dele van menslike skedels is tydens die installering van ondergrondse aardkabels by die Ilikwa Solar Power-terrein buite Parys, in die Vrystaat, gevind.

Parys Gazette berig die dele is vermoedelik van twee mense wat in ‘n vlak graf begrawe was. 

Ilikwa het gemeenskapslede gerusgestel dat die ontdekking met sorg en respek hanteer is, in volle ooreenstemming met die riglyne van die betrokke owerhede, en met behoorlike inagneming van die gebied se kulturele en historiese erfenis.

Konstruksie-aktiwiteite is sedertdien aangepas om te verseker dat daar geen verdere versteuring is nie.

Ilikwa het ook bevestig dat erfenisspesialiste wat die terrein ondersoek het, geen ander dele of erfeniskenmerke elders op die sonkragaanleg gevind nie.

Ilikwa Solar Power. FOTO: Parys Gazette