Microsoft vra vir wêreldwye veiligheidsreëls vir KI

Microsoft se president, Brad Smith, sê melk en wasmasjiene word tans strenger gereguleer as kunsmatige intelligensie (KI).

Smith het aan die BBC gesê KI is sowel ’n hulpmiddel as ’n wapen en moet dringend gereguleer word. Hy doen ’n beroep op wêreldwye veiligheidsreëls en noodmeganismes wat KI-stelsels kan laat stilstaan of vertraag indien hulle onbeheerbaar raak. Smith sê onafhanklike regeringsbeoordelaars behoort ook nuwe KI-tegnologie te evalueer voordat dit goedgekeur word.

Hy meen die Verenigde Koninkryk is in die beste posisie om wêreldwye KI-veiligheidsreëls te bevorder, danksy sy Instituut vir KI-sekuriteit.

Ter illustrasie. FOTO: Unsplash