MIDDAG SPORT: Die stryd om halfeindplekke in die Curriebeker kom tot ‘n ontknoping, vriendinne is gereed vir die Wimbledon-eindstryd en Spanje en België kom teen mekaar te staan
- Saamgestel deur Jana Roos
- Jul 10
- 1 min read
In rugby-nuus: Die stryd om die vier plekke in die halfeindronde van die Carling Curriebeker-eersteafdeling word Saterdag beslis, met vyf van die ses spanne wat nog in die wedloop is.
Intussen het die onoorwonne Dotsure SWD Eagles reeds ‘n plek in die uitspeelwedstryde én die eerste plek op die punteleer verseker.
In die tweede plek benodig die Oostelike Provinsie slegs een ligapunt om hul plek in die halfeindronde te beklink, terwyl die Griffons teen die Valke te staan kom in ‘n moet-wen kragmeting om hul hoop op die uitspeelwedstryde lewendig te hou.
Die Luiperds kan so te sê ‘n halfeindplek verseker deur maksimum punte teen die reeds-uitgeskakelde Border aan te teken, terwyl die vroeë afskoptyd die uitslag van die later wedstryde kan beïnvloed.
In tennis-nuus: Karolina Muchova en Linda Noskova sal Saterdag hul vriendskap opsy skuif wanneer hulle mekaar in ‘n Tsjeggiese Wimbledon-eindstryd pak.
Muchova het ‘n wedstrydpunt afgeweer om Coco Gauff met 6-2, 1-6, 7-6 in ‘n opwindende wedstryd te klop, terwyl Noskova vir Marta Kostyuk in slegs 79 minute met 6-4, 6-4 verslaan het om haar eerste Grand Slam-eindstryd te haal.
Die twee is al jare lank goeie vriendinne en het selfs die dubbelspel saam by die Olimpiese Spele in Parys in 2024 gespeel, maar sal nou by die All England Club om die grootste titel van hul loopbane meeding.
En, in Wêreldbeker sokker-nuus: Spanje en België kom Vrydagaand in die kwarteindstryd teen mekaar te staan. Spanje gaan die wedstryd onooorwonne in.
Ons skakel oor na ons korrespondent vir meer oor hierdie en ander wedstryde…
LUISTER HIER:
Comments