MIDDAG SPORT: Erasmus hou die Bokke gefokus op Argentinië, Die Wes-Indiese Eilande oorweldig vir Pakistan, EN Sterpare keer terug vir die US Ope

Saamgestel deur Ilde Roos
52 minutes ago
2 min read

Ons begin met rugby-nuus: Die Springbok-afrigter Rassie Erasmus sê die span se onmiddellike prioriteit is volgende naweek se toetswedstryd teen Argentinië in Buenos Aires, met die toer-groep wat Saterdag aangekondig sal word.

Erasmus het bevestig dat Eben Etzebeth, Sacha Feinberg-Mngomezulu, Lood de Jager, Ethan Hooker en Siya Kolisi fiks is en na verwagting teen Argentinië sal speel, terwyl slegs Ox Nche en Franco Mostert weens geringe beserings nie beskikbaar is nie.

Hy sê ook dat die Springbokke eers hul volle aandag op die reeks teen die All Blacks in die Rugby’s Greatest Rivalry sal vestig, sodra hulle van Argentinië terugkeer.

In krieket: Die Wes-Indiese Eilande het Pakistan met 90 lopies in die openingstoets in Trinidad verslaan nadat hulle die toeriste vir 120 uitgehaal het terwyl hulle ‘n teiken van 211 verdedig het.

Jayden Seales het vyf paaltjies geneem terwyl Pakistan tot 71-9 teruggesak het, voordat ‘n onoorwonne 58 van Babar Azam en ‘n laaste paaltjie-venootskap met Mohammad Abbas die onvermydelike vertraag het.

Justin Greaves is as Speler van die Wedstryd aangewys nadat hy sewe paaltjies oor die Toets geneem het.

In tennis-nuus: Novak Djokovic en Aryna Sabalenka gaan saamspan vir die vernude gemengde dubbelspel-toernooi by die Amerikaanse Ope, wat op 25 Augustus in New York afslaan.

Die voormalige Britse nommer een, Jack Draper, span weer kragte saam met Jessica Pegula, terwyl Iga Swiatek en Casper Ruud ook terugkeer nadat hulle verlede jaar se toernooi as naaswenners afgesluit het.

Ander prominente pare sluit in Naomi Osaka en Kei Nishikori, Taylor Fritz en Elena Rybakina, sowel as Mirra Andreeva en Andrey Rublev.Ten spyte van vroeëre bespiegeling dat sommige topspelers die toernooi dalk sou boikot te midde van oproepe om ‘n groter deel van die Grand Slam-inkomste, het verskeie van die sport se grootste name hul deelname bevestig.