MIDDAG SPORT: SA gholfers deel die voorsprong in Duitsland, Swiatek dring deur tot Wimbledon se derde ronde en Portugal seevier soos Ronaldo verder geskiedenis maak
- Saamgestel deur Jana Roos
- Jul 3
- 2 min read
In gholf-nuus: Suid-Afrika se Jayden Schaper en Hennie du Plessis deel die voorsprong nadat albei foutlose openingsrondes van agt onder syfer 64, by die BMW Internasionale Ope in Duitsland gelewer het.
Du Plessis het Schaper se telling geëwenaar met ‘n ronde wat ses voëltjies en ‘n arend ingesluit het, wat die goeie vorm voortsit wat hom op koers geplaas het vir sy beste DP Wêreldtoer-seisoen.
Albei Suid-Afrikaners het hul tevredenheid met hul vertonings uitgespreek, met Schaper wat sy gemak op die baan erken en Du Plessis wat glo dat die ervaring wat hy tydens sy onlangse Amerikaanse Ope-debuut opgedoen het, hom ‘n beter gholfspeler gemaak het.
In tennis-nuus: Die verdedigende vrouekampioen, Iga Swiatek, het herstel van ‘n moeilike openingswedstryd en ‘n oortuigende oorwinning van 6-1, 6-3 oor Karolina Pliskova behaal, om tot die derde ronde van Wimbledon deur te dring.
Sy sal daar te staan kom teen Alexandra Eala, wat die eerste Filippynse vrou geword het om die derde ronde van ‘n Grand Slam-toernooi te bereik, met Elena Rybakina, Amanda Anisimova en Madison Keys wat ook deurdring.
In die mansafdeling het Alexander Zverev ‘n indrukwekkende oorwinning in skoon stelle oor Valentin Royer behaal en sodoende sy strewe na ‘n eerste Wimbledon-kwarteind voortgesit. Grigor Dimitrov, Matteo Berrettini, Flavio Cobolli, Taylor Fritz, Alex de Minaur en Rafael Jodar het ook tot die derde ronde deurgedring.
En, in Wêreldbeker sokker-nuus: Portugal het hul plek in die laaste 16 van die toernooi bespreek deur ‘n oorwinning van 2-1 oor Kroasië. Christiano Ronaldo se strafskop het hom die oudste speler gemaak wat ooit in ‘n uitklopwedstryd van ‘n Wêreldbeker ‘n doel aangeteken het.
Ons skakel oor na ons korrespondent vir meer oor hierdie en ander onlangse wedstryde…
LUISTER HIER:
Comments